غداء مفتخر من مطبخي بالصوررررررررررر !!!

Admin عدد الرسائل : 332 تاريخ التسجيل : 05/01/2007

اليوم عملت اكله حلوة اوي وسهله اووووي وصورتها بكل خطواتها لعيونكم انتوا بس
ووالله من مطبخي وياريت تعذروني لو الصور فيها اي شئ علي اساس اني مبتدئه بالتصوير وليس
بالطبخ الحمدلله هههههههههههههههههههه
يلا نبدأ علي بركه الله
الاكله هي صينيه الرز بالكبدة
المقادير

نص كيلو كبد فراخ
4 كوب رز مصري ( او حسب الصينيه التي تستخدميها )
2 كوب حليب
2 كوب شوربة
ملعقة سمن
بصلة كبيرة مفرية
طبعا ملح وفلفل اسود
الطريقة ::

نغسل الكبد جيدا ونقطعها قطع صغير مكعبات يعني
ونغسل الرز ونصفيه من الماء ويستحسن ينقع من قبلها بنص ساعه لو مفيش وقت عادي
هنجيب البصله المفريه ونضيف عليها ملح وفلفل اسود وندعكها كويس جدااا
نضيف نص كميه البصله علي الكبد المقطعه والباقي علي الرز مع اضافه معلقه السمن علي الرز
[ندعوك للتسجيل في المنتدى أو التعريف بنفسك لمعاينة هذه الصورة]
طبعا هنقلب الرز مع البصل والسمن والكبد مع البصل ايضا وبعدين هنجيب الصينيه ونضع نصف كميه الرز
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده هنضيف الكبد المخلوطه بالبصل
[ندعوك للتسجيل في المنتدى أو التعريف بنفسك لمعاينة هذه الصورة]
وبعدين باقي كميه الرز
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده هنضع كوبين الحليب علي النار مع اضافه بسيطه من الملح والفلفل عليه
[ندعوك للتسجيل في المنتدى أو التعريف بنفسك لمعاينة هذه الصورة]
اول ما يبدأ بالغليان نضيف فورا كوبين الشوربه
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده هنستعد لنضيفه علي الصينيه ولكن بهدوء حتي لا تتلخبط الصينيه
[ندعوك للتسجيل في المنتدى أو التعريف بنفسك لمعاينة هذه الصورة]
وده بعد ما ضفت الحليب بالشوربه علي الصينيه ولازم الشوربه اوعوا تستغنوا عنها الرز مش هيستوي من غيره
[ندعوك للتسجيل في المنتدى أو التعريف بنفسك لمعاينة هذه الصورة]
وده شكل الصينيه بعد ما استوت في الفرن
[ندعوك للتسجيل في المنتدى أو التعريف بنفسك لمعاينة هذه الصورة]
وانا قدمتها اليوم مع فراخ وشوربه لسان عصفور وسلطة خضراء
[ندعوك للتسجيل في المنتدى أو التعريف بنفسك لمعاينة هذه الصورة]
وبألف هنا وشفا
ارجوكم شجعوني واعتذر لو التصوير مش مبين او صورته مظلمه شوي
يارب تكون الاكله عجبتكم ؟؟؟؟؟؟؟؟